Thursday 15 September 2011

يعني ايه ام اس بي ؟؟؟ (MSP )

سلام عليكم

بصراحه قبل ما ابتدي انزل موضوعات متعلقه بأي تكنولوجي او ايفنتز  علميه .. قررت ابسط الامور على اد ما اقدر
عشان اي كلام جاي يبقى عادي ..
واختارت اتكلم عربي ( عامي ) بردو عشان نبقى عادي ..

شوفت الصور دي قبل كده صح ؟؟


طييييييييييب شوفو :
جامعه طنطا اصبح ليها 7 ممثلين او سفراء لشركه ميكروسوفت
يطلق عليهم
 Microsoft student partner
طيب يعني ايييييييييه ؟؟
يعني الناس دوول اصبح ليهم ارتباط معين بالشركه وهيتلقو تدريب معين ومحاضرات محدده عشان يتعلمو ازاي ينقلو كل المعلومات اللي هيتعلموها هناك للجامعه كلها ... مع العلم ان الي هيتعلمووه وينقلووه دا اي تكنولوجي جديييده هتفيدنا كطلبه او ك باحثين عن شغل او ك عامليين بالفعل ...
 .
عادي !!!!!!!

طيب ياترى ازااااااي ؟؟؟
  • ببساطه شديده هيتعمل ايفنتز ف الكليه ودي هتكون طريقه مباشره لتوصيل اي معرفه عند اي حد مننا او مش مننا 
  • هتلاقو لينكات بيتعملها شير في كل حته .. زات عنوان شيق او غامض او بدون عنوان اصلا .
  • انشطه كتيير كتيير كتييييييييييير 
عادي !!!!!!

طيب ها وبعدين .. مطلوب اييييييييه ؟

مطلوب بكل بساطه وروووح حلوه ومن غير اي سخريه او تقليل من شان اي شيء
الاهتماااااااااام و المتابعه التامه الشامله الجامعه .
بمعنى ..
اي لينك معموله شيير ف اي حته  ياريت ندخل عليه ونقراه كويس
ويارييييييت نسأل ونستفسر بكل  صراحه عن اي شيء مش مفهووم فيه

اي ايفينت ف الكليه او مش ف الكليه .. اسأل فووورا واعرف هو ايه وعن ايه وممكن يفيدك ولا لأ
وياريت تباااااااااااادر بالحجز دايما

عااااادي

  • ياريت يبقى عندنا شغف  التعلم والسمع .. اسمع مش هتخسر حاجه
  • مافيهاش اي احراج او رخامه او حتى عبء انك تسأل اي حد من ال
MSPs 
عن اي حاجه عاوز تعرفها ..
  • لازم تعرف ان دا حقك اولا .. وان دا واجبه ثانيا
هو مش بيعملك جمييل او معرووف .. لأ دا واجبه اللي هيحضر بروجرام كامل عشان يتعلم يعمل واجبه دا ازاي  .


عاااادي ؟؟

ال MSP
مش هيجري ورا حد عشان يتسفييييييييد ويحضر ويسمع ويتعلم
لأ
كل ما عليه انه ينبههك للي ممكن يفيدك  او اللي ممكن تكون متعرفهووش
عليه ينقلك اي جديد عرفه  عشان تختار اذا كنت ناوي تتعلم اكتر فيه ولا لأ
عليه انه يوجهك  ازاي اسمع او اتعلم عن الحاجه اللي عاجباني او عاوز اسمع عنها واتعلمها .

ال
msp
كل دوووره انه يتعلم ويعلم .. يستفيد ويفييد  ... لكنه مش هيرووووو او سوووووووووبر وهيقدر يعمل كل حاجه .



في النهايه .. اتمنى   تكون الفكره وصلت .. واتمنى تلاقي اهتمام
عشان هي مهمه .. وتستاهل اننا نهتم ونتابع ..

اخيرا
ال msp مش مستفيد ايييييييي حاجه غير انه هينقلك اللي استفاده  .

اسأل .. اسأل .. اسأل
تابع .. تابع .. تابع
أنشر .. أنشر .. أنشر
دا  حقك ..  مش فضل من حد عليك انه يجاوبك ... 
لكن اوعى تنسى واجبك .. انك تسعى وتحاول .. ومتفوتش الفرص

و فيييييد غيييييييرك :)


8 comments: